𝗗𝗔𝗦𝗠𝗔𝗥𝗜𝗡̃𝗔𝗦 𝗖𝗜𝗧𝗬, 𝗞𝗔𝗕𝗜𝗧𝗘—Matagumpay na naisagawa ang taunang 𝘋𝘪𝘴𝘵𝘳𝘪𝘤𝘵 𝘎𝘢𝘵𝘩𝘦𝘳𝘪𝘯𝘨 𝘯𝘨 𝘌𝘱𝘪𝘴𝘤𝘰𝘱𝘢𝘭 𝘋𝘪𝘴𝘵𝘳𝘪𝘤𝘵 𝘰𝘧 𝘚𝘵. 𝘓𝘶𝘬𝘦 bilang bahagi ng pagdiriwang sa 𝑲𝒂𝒑𝒊𝒔𝒕𝒂𝒉𝒂𝒏 𝒏𝒊 𝑺𝒂𝒏 𝑳𝒖𝒄𝒂𝒔, 𝑴𝒂𝒏𝒖𝒏𝒖𝒍𝒂𝒕 𝒏𝒈 𝑴𝒂𝒃𝒖𝒕𝒊𝒏𝒈 𝑩𝒂𝒍𝒊𝒕𝒂; 𝑷𝒂𝒕𝒓𝒐𝒏 𝒏𝒈 𝒅𝒊𝒔𝒕𝒓𝒊𝒕𝒐.  Dinaluhan ito ng mga kaparian at buong Parish Pastoral Council mula sa halos 25 parokyang sakop ng distrito.  Ginanap ang pagtitipon sa Mary Immaculate Parish, Salawag, Dasmariñas City, Cavite noong ika-18 ng Oktubre, 2025 (Sabado) mula ika-8:00 ng umaga hanggang ika-12:00 ng tanghali. 

Bilang bahagi ng programa, isinagawa ang Jubilee Walk Procession kasama ang Jubilee Cross at lahat ng mga dumalo. Sinundan ito ng isang makabuluhang pagbabahagi na pinamagatang “Pilgrims of Hope” sa pangunguna ni Rdo. Padre Jansen Ronquillo, MS.

Sa kanyang pagbabahagi, binigyang-diin ni Fr. J ang tatlong mahahalagang punto:

1. Happiness
2. Capacity to Face the Challenges and Difficulties
3. Human Resources Direct Us to the Kingdom of God

Dagdag pa niya, isang mahalagang paalala ang:

“Kapag mali ang kaligayahan, mali ang pag-asa!”

Bilang pagtatapos ng programa, isinagawa ang isang Misa Concelebrada sa pangunguna ni Lub. Kgg. Reynaldo G. Evangelista, D.D., Obispo ng Imus, kasama sina Rdo. Padre Agustin Baas, Episcopal District Vicar, at ang mga Vicar Forane mula sa tatlong bikaryato, kaisa ang halos 13 kura paroko mula sa mga parokyang sakop ng distrito.

Sa kanyang homilya, ibinahagi ni Bishop Rey ang kahalagahan ng paglalakbay kasama ang Diyos:

“Ang sarap maglakbay kasama ang Diyos, kasama ang ating Panginoon, kasama si Maria—ang Ina ng Pag-asa... Ang tunay na kaligtasan ay galing sa Diyos—Siya ang pinagmumulan ng kaligtasan... We are all missionaries! Share the faith, ibahagi ang pananampalataya. Salamat sa inyong kabukasan, sa inyong paglilingkod sa Diyos!”

Bilang pangwakas na mensahe, ibinahagi ni Rdo. Padre Agustin Baas, Episcopal District Vicar, ang kanyang taos-pusong pasasalamat sa lahat ng parokya sa Distrito:

“𝙈𝙖𝙧𝙖𝙢𝙞𝙣𝙜 𝙎𝙖𝙡𝙖𝙢𝙖𝙩 𝙥𝙤 𝙨𝙖 25 𝙥𝙖𝙧𝙤𝙠𝙮𝙖𝙣𝙜 𝙣𝙖𝙠𝙖𝙥𝙖𝙨𝙖𝙞𝙡𝙖𝙡𝙞𝙢 𝙨𝙖 𝙖𝙩𝙞𝙣𝙜 𝙙𝙞𝙨𝙩𝙧𝙞𝙩𝙤... 𝙎𝙖 𝙖𝙩𝙞𝙣𝙜 𝙥𝙖𝙩𝙧𝙤𝙣, 𝙎𝙖𝙣 𝙇𝙪𝙘𝙖𝙨, 𝙣𝙖 𝙨𝙞𝙮𝙖𝙣𝙜 𝙖𝙩𝙞𝙣𝙜 𝙥𝙖𝙩𝙣𝙪𝙗𝙖𝙮 𝙨𝙖 𝙥𝙖𝙜𝙢𝙞𝙢𝙞𝙨𝙮𝙤𝙣, 𝙠𝙖𝙞𝙨𝙖 𝙖𝙣𝙜 𝙈𝙖𝙝𝙖𝙡 𝙣𝙖 𝘽𝙞𝙧𝙝𝙚𝙣𝙜 𝙈𝙖𝙧𝙞𝙖 𝙪𝙥𝙖𝙣𝙜 𝙢𝙖𝙜𝙞𝙣𝙜 𝙖𝙩𝙞𝙣𝙜 𝙜𝙖𝙗𝙖𝙮 𝙨𝙖 𝙥𝙖𝙜-𝙖𝙨𝙖. 𝙈𝙖𝙧𝙖𝙢𝙞𝙣𝙜 𝙎𝙖𝙡𝙖𝙢𝙖𝙩 𝙥𝙤.”

Matapos ang kanyang mensahe, pormal niyang inanunsyo ang susunod na parokyang magiging punong abala sa pagdiriwang ng Kapistahan ni San Lucas sa susunod na taon: 𝗣𝗮𝗿𝗼𝗸𝘆𝗮 𝗻𝗴 𝗛𝗲𝘀𝘂𝘀 𝗡𝗮𝘇𝗮𝗿𝗲𝗻𝗼, 𝗗𝗮𝘀𝗺𝗮𝗿𝗶𝗻̃𝗮𝘀 𝗖𝗶𝘁𝘆, 𝗖𝗮𝘃𝗶𝘁𝗲.

Tunay ngang naging makabuluhan ang Kapistahan ni San Lucas para sa lahat ng manlalakbay ng pag-asa sa buong distrito. Isang patunay na buhay ang pagpapalaganap ng Mabuting Balita sa bawat parokyang sakop nito. Nawa’y patnubayan tayo ni San Lucas, kaisa ang ating Panginoong Hesus at ang Mahal na Birheng Maria, sa pagtahak sa landas ng pag-asa, pag-ibig, at pagpapatawad tungo sa Kaharian ng Diyos.

Ulat mula kay Binea Jeverly C. Antang, SOCCOM — Diocese of Imus, Quentin Jon, PSJXXIIIP MPK. Mga kuhang larawan nina Flor Cagas at Trisha Paulette Aron, SOCCOM — Diocese of Imus.

_____________________

Visit our website and follow our official social media accounts:
Website: https://www.dioceseofimus.org/
Facebook: https://web.facebook.com/dioceseofimus
Jubilee 2025 Facebook page: https://www.facebook.com/Jubilee2025DioceseOfImus
Youtube: https://www.youtube.com/@dioceseofimus1961

#DistrictofSaintLuke
#KapistahanniSanLucas
#Jubilee2025
#LakbayPagAsa
#PilgrimsofHope
#DioceseOfImus