Cardinal Luis Antonio G. Tagle, Dean of the College of Cardinals, presided over the Holy Mass in observance of All Souls’ Day on Monday, November 2, at the Diocesan Shrine and Parish of Our Lady of the Pillar in Imus City, Cavite.

During his homily, Cardinal Tagle reminded the faithful that death is not the end of life but an invitation to place their hope in Jesus Christ, who is the Resurrection and the Life. His message highlighted the Christian faith in eternal life and the enduring hope found in Christ.

#DiocesanNews
#DioceseOfImus

GENERAL TRIAS, CAVITE – Sa pamamagitan ng Caritas Imus, sa pagtutulungan ng Caritas Philippines at Nissin Monde Foundation, naisakatuparan ang PaMEALya Program, programang naglalayong mabigyan ng pagkain ang aabot sa 50 pamilya sa pamayanan ng PM Homes, komunidad ng The Annunciation Parish, General Trias.

Ang programa ay tatagal ng anim na buwan, na nagsimula noong Hunyo 29. Ang estilo ng feeding program na ito ay kakaiba sa kinagisnan. Sa halip na lutong ulam, mga sangkap ang ipinamamahagi, kabilang ang gulay, karne, pampalasa, at bigas.

Bukod sa feeding program, may isang taong Family Development Program ang PaMEALya Partners. Sa pagtutulungan ng simbahan at mga pribadong institusyon, naisasakatuparan ang misyon na makapaghatid ng tulong tungo sa isang malusog na pamayanan.

Naganap noong Oktubre 28, 2026, sa St. Jude the Apostle Parish, Mambog, Bacoor City, Cavite, ang pagdiriwang ng kapistahan ni San Judas Apostol na may temang "San Judas Apostol: Nakinig kay Jesus, Ginampanan ang Misyon,” sa pangunguna ni Rev. Fr. Bernardo Gacelo, ang Kura Paroko ng parokya.

Naging espesyal din ang pagdiriwang sa pagdalo ng mga panauhing pari na sina Rev. Fr. Teodoro Villanueva, Rev. Fr. Eric Orcullo, Rev. Fr. Christian Joseph Vales, Rev. Fr. Dominador Duroy, Rev. Fr. Jesus Nasinopa, at Rev. Fr. Leonardo Bagos.

Pinangunahan naman ni Rev. Fr. Christian Joseph Vales ang homiliya, kung saan nagbahagi siya ng makabuluhang mensahe tungkol sa tunay na debosyon. Binigyang-diin niya na ang debosyon ay hindi lamang tungkol sa paghingi ng mga biyaya, kundi pati na rin sa pagtulad sa pananampalataya at katapatan ng mga banal. Inihalintulad niya ito kay San Judas Apostol, na tumugon sa tawag ni Kristo, at hinikayat ang mga mananampalataya na tumugon din sa tawag ng Panginoon at simulan ito sa kanilang sariling buhay.

Bago matapos ang Banal na Misa, nag-alay ng panalangin at insenso bilang pagpupugay kay San Judas Apostol, ang patron na pinararangalan sa nasabing pagdiriwang.

IMUS, CAVITE — Napuno ng mayamang debosyon at tradisyon ang Dambana ng Nuestra Señora del Pilar sa katatapos lamang na Closing Salvo ng Fiesta del Pilar 2026 noong Oktubre 24, 2026, na dinaluhan ng mga parokya at sambayanan ng kanyang bikaryato.

Inumpisahan ang pagdiriwang sa pamamagitan ng isang Banal na Misa na pinangunahan ni Rev. Fr. Benjie A. Francisco, Kura Paroko ng St. Martha Parish, Greengate Homes, habang si Rev. Fr. Reuel Castañeda, Kura-Rector ng Katedral ng Imus naman ang nagsilbing concelebrant. Sinundan ito ng prusisyon kasama ang mga patron at patrona ng iba't-ibang parokya, gayundin ang kani-kanilang sambayanan. Kasama sa prusisyon ang orihinal at mapaghimalang imahen ng patrona ng Diyosesis, ang Birhen del Pilar. Pagkatapos, isinagawa naman ang tradisyunal na Ruweda at Toro sa patio ng dambana.

Ang Fiesta del Pilar 2026, na may temang “Maria: Haligi ng Pakikinig, Daluyan ng Pag-ibig,” ay nagpapaalala sa makainang pamamatnubay ni Maria sa buong Simbahan at sa pagiging haligi ng pakikinig at daluyan ng pag-ibig ng Panginoon.

IMUS, CAVITE — Pormal nang idineklara bilang ganap na parokya ang Sentro Pastoral ng San Roque sa Pamayanan ng Pag-Asa II, Lungsod ng Imus, Cavite, nitong Lunes, Oktubre 26, 2026.

Pinangunahan ni Lub. Kgg. Reynaldo G. Evangelista, D.D., Obispo ng Imus, ang Banal na Misa alas-9:30 ng umaga, na sinundan ng seremonya ng deklarasyon at pagtatalaga kay Reb. Padre Stephen Maragañas, TC bilang kauna-unahang Kura Paroko. Sa kanyang homilya, binigyang-diin ni Bishop Rey Evangelista na ang pagtatatag ng Parokya ng San Roque ay isang malinaw na indikasyon ng patuloy na paglago ng Inang Simbahan sa Diyosesis ng Imus. Ayon sa Obispo, ang paglago ng Simbahan ay nakikita sa mga pamayanang sama-samang lumalalim ang ugnayan sa Diyos at nagiging mas handang tumugon sa mga pangangailangan ng kapwa.

Kaugnay nito, hinihikayat ang mga pamilya, kabataan, layko at mga lingkod-simbahan na maging aktibong bahagi ng buhay-parokya sa pamamagitan ng pananalangin, pakikiisa sa mga gawaing pastoral at paglilingkod sa komunidad.

Sa pamumuno ni Reb. Padre Stephen Maragañas, TC, inaasahang magiging sentro ang Parokya ng San Roque ng paghubog, pakikipag-ugnayan at paglilingkod para sa mga mananampalataya ng Pag-Asa II. 

Ang okasyon ay nagbukas ng panibagong yugto para sa pamayanan, na tinatawagan na patuloy na magkaisa at makibahagi sa misyon ng Simbahan.

Isang Simbahan. Isang Pamilya. Isang Misyon.
Sama-sama kay Kristo, sama-sama sa paglilingkod.

San Roque, ipanalangin mo kami. 

Birhen del Pilar, Ina ng ating Diyosesis, ipanalangin mo kami. 

The Diocesan Finance Office successfully concluded its series of learning sessions for Parish Finance Council Lay Coordinators with the fourth and final learning session held on October 24, 2026, at Casas Hall, Bishop’s House, City of Imus, Cavite.

The session brought together coordinators from the Episcopal District of St. Matthew, as well as those from other Episcopal Districts who were unable to attend the previous sessions. The gathering marked the culmination of the initiative, which aimed to strengthen financial stewardship and promote sound financial management in the parishes.

Led by Rev. Fr. Bernie Gacelo, the Diocesan Finance Office once again emphasized the importance of transparency, accountability, accurate financial reporting, and prudent decision-making in managing the resources entrusted to the Church. The session also provided participants with an opportunity to deepen their understanding of their respective roles and exchange insights and best practices in parish financial management.

The Diocesan Finance Office expresses its sincere gratitude to all participants and contributors for their active involvement and commitment throughout the four learning sessions.

With the completion of the series, the Diocesan Finance Office reaffirms its commitment to providing ongoing guidance, formation, and support to Parish Finance Council Lay Coordinators. Through continued collaboration and responsible stewardship, the office seeks to strengthen parish financial administration in support of the Church’s mission.

The conclusion of the learning sessions marks not an end, but a renewed commitment to transparency, accountability, and faithful stewardship in the administration of the Church’s temporal goods.

TAGAYTAY, CAVITE — Nagtipon ang mga kinatawan ng iba't ibang kongregasyon sa Diyosesis ng Imus para sa Gathering on Vocation Promotion and Collaboration noong Oktubre 24, 2026, sa St. John XXIII Hall, Tahanan ng Mabuting Pastol.

Layunin ng pagtitipon na isabuhay ang diwa ng sinodalidad at palalimin ang iisang misyon ng Diocesan Vocation Ministry at ng mga vocation director, directress, at animator ng iba't ibang kongregasyon sa pagtataguyod ng bokasyon.

Binigyang-diin din sa pagtitipon ang kahalagahan ng pagkakaisa at pagtutulungan ng mga kongregasyon at ng diyosesis upang higit na mapalakas at maiayon ang mga pagsisikap sa pagpapakilala at paggabay sa mga tumutugon sa tawag ng Diyos.

Sa pamamagitan ng ganitong mga pagtitipon, pinatitibay ang ugnayan ng mga lingkod ng Simbahan sa pagsusulong ng sama-samang pagkilos at pakikibahagi sa misyon ng pagpapalaganap at pagtataguyod ng mga bokasyon sa buhay-paglilingkod.

GMA, CAVITE — Tinalakay ang Grief and Loss sa isinagawang Pastoral Care Volunteer Training (PCVT) ng Ministri sa mga May Karamdaman sa Parokya ng San Jose Manggagawa, GMA, Cavite, nitong Oktubre 21, 2026.

Binigyang-diin sa pagsasanay ang kahalagahan ng pag-unawa sa pagdadalamhati at pagkawala, gayundin ang wastong paggabay at pagbibigay ng emosyonal at espirituwal na suporta sa mga taong nakararanas ng pagluluksa at sa kanilang mga pamilya.

Bilang bahagi ng paghuhubog sa mga boluntaryo, isinagawa rin ang graduation at commissioning ceremony upang kilalanin ang mga nagsipagtapos sa pagsasanay at pormal na italaga sila sa kanilang misyon ng paglilingkod sa mga may karamdaman at kanilang mga pamilya.

Sa pamamagitan ng patuloy na pagsasanay at paghuhubog, layunin ng Ministri sa mga May Karamdaman na ihanda ang mga pastoral care volunteer na maging mahabagin, maunawain, at mapagkalingang presensya sa mga taong nangangailangan ng pag-alalay, lalo na sa panahon ng karamdaman, pagkawala, at pangungulila.

Sa kanilang paglilingkod, nawa'y maging daluyan sila ng pag-asa, kapanatagan, at pagmamahal ni Kristo sa bawat taong kanilang makakasalamuha.

Matagumpay na ipinagdiwang ang Misa Pontifical na pinangunahan ni Lub. Kgg. Reynaldo G. Evangelista, D.D., Obispo ng Diyosesis ng Imus, noong Oktubre 18, 2026, ganap na alas-4:00 ng hapon, bilang bahagi ng pagdiriwang ng Kapistahan ng Mahal na Birhen ng Santísimo Rosario.

Sa ilalim ng temang “Birheng Maria, Huwaran ng Pakikinig at Pagsunod sa Kalooban ng Ama,” muling binigyang-diin sa banal na pagdiriwang ang mahalagang papel ni Maria bilang huwaran ng ganap na pananampalataya, mapagpakumbabang paglilingkod at buong-pusong pagsunod sa kalooban ng Diyos.

Nawa'y magsilbing inspirasyon sa bawat isa ang halimbawa ng Mahal na Birhen Maria upang patuloy na pakinggan ang tinig ng Panginoon, magtiwala sa Kanyang banal na plano at maglingkod sa kapwa nang may kababaang-loob, pagmamaha at katapatan.

Taos-pusong pasasalamat ang ipinaaabot kay Lub. Kgg. Reynaldo G. Evangelista, D.D., Obispo ng Diyosesis ng Imus, sa kanyang pangunguna sa banal na pagdiriwang, kina Cong. Roy Loyola at Mayor Dahlia Loyola, kina G. at Gng. Junvil at Angela Morales, ang ating Hermano at Hermana ngayong taon, gayundin sa lahat ng sponsors, lingkod-parokya, at mananampalatayang nakiisa at nagbigay ng kanilang suporta upang maging makabuluhan at matagumpay ang pagdiriwang na ito.

Nawa'y patuloy tayong magkaisa sa pananampalataya at tularan ang Mahal na Birheng Maria sa ating paglalakbay bilang mga alagad ni Kristo.

Mabuhay ang Mahal na Birhen ng Santísimo Rosario! 

Salamat sa Diyos! 

CEBU, PILIPINAS  — Isang makabuluhang paglalakbay ng pananampalataya ang isinagawa ng banal na imahe ni San Agustin ng Hippo na mas kilala sa tawag na Tata Usteng, ang minamahal na patron ng bayan ng Tanza, Cavite, sa pagdalaw nito sa lalawigan ng Cebu.

Ang pagbisitang ito ay naglalayong ibahagi sa mas maraming mananampalataya ang mayamang tradisyon ng debosyon kay Tata Usteng, na sa mahabang panahon ay nagging bahagi ng buhay, kasaysayan at pagkakakilanlang panrelihiyon ng mga taga Tanza.

Noong ika-12 ng Oktubre, kasabay ng pagdiriwang ng pista ng Mahal na Birhen Del Pilar, ang patrona ng Diyosesis ng Imus, nagsimula ang paglalakbay ng imahe ni Tata Usteng. Nilisan ng banal na imahe ang kanyang tahanan sa Parokya ni San Agustin sa Tanza, Cavite, upang simulant ang paglalakbay patungong Cebu.  

Sakay ng barko naglayag si Tata Usteng  kasama ang delegasyon mula sa Tanza, dinala ang imahe patungo sa Kabisayaan bilang bahagi ng makabuluhang pagdalaw na ito.

Dumating ang imahe ni Tata Usteng sa Cebu kahapon, ika-13 ng Oktubre. Agad siyang sinalubong ng mga deboto at ng Caballeros de San Agustin. Pagkatapos nito, dinala ang imahe sa Archdiocesan Shrine and Parish of Our Lady of Guadalupe de Cebu para sa pormal na pagsisimula ng kanyang pagbisita. Isinagawa din ang Civic Welcome ngayong umaga  sa Cebu Provincial Capitol, na sinundan ng pagdaan ni Tata Usteng sa Cebu City Hall (Santo Niño, Cebu City). Bibisitahin nya rin ang iba’t-ibang simbahan sa lalawigan na kung saan nakatakda itong makibahagi sa iba't ibang gawaing panrelihiyon na magbibigay ng pagkakataon sa mga deboto na makilala at mapalalim ang kanilang debosyon kay San Agustin.

Mananatili ang banal na imahe sa Cebu hanggang sa ika-16 ng Oktubre. Ang farewell mass ay gaganapin sa Basilica Minore del Stanto Niño de Cebu sa ganap na ika-5:30 ng hapon. 

¡Viva Tata Usteng!

¡Viva San Agustin de Tanza!

IMUS, CAVITE — Nagsimula ngayong Oktubre 16, 2026 ang Billings Ovulation Method (BOM) Teacher’s Training Certification Course na ginaganap sa Casas Hall, Bishop’s House, Imus Cathedral.

Layunin ng tatlong araw na pagsasanay na ihanda ang mga kalahok bilang mga kwalipikadong BOM teachers na makapagbibigay ng wastong kaalaman at pastoral accompaniment sa mga mag-asawa sa kanilang paglalakbay tungo sa responsableng pagiging magulang, paggalang sa buhay, at pagpapalalim ng pagmamahalan sa loob ng pamilya.

Tampok na resource speaker si Prof. Rally F. Ganar, Director ng World Organization of the Ovulation Method Billings (WOOMB) Philippines, na nangunguna sa pagbabahagi ng kaalaman at kasanayan sa Billings Ovulation Method.

Sa pamamagitan ng pagsasanay, inaasahang mapalalakas ang kakayahan ng mga layko lingkod na samahan at gabayan ang mga mag-asawa sa paggawa ng mga responsableng pasya para sa kanilang pamilya, ayon sa dignidad ng mag-asawa at pagpapahalaga sa buhay.

Ang training ay bahagi ng patuloy na pagsisikap ng Family and Life Ministry na mapalawak ang pastoral care at accompaniment para sa mga mag-asawa at pamilya, at maisulong ang isang pamilyang nakaugat sa pananampalataya, pagmamahal, pananagutan at paggalang sa buhay.

𝗟𝗨𝗡𝗚𝗦𝗢𝗗 𝗡𝗚 𝗗𝗔𝗦𝗠𝗔𝗥𝗜𝗡𝗔𝗦, 𝗖𝗔𝗩𝗜𝗧𝗘 — Nagtipon ang sambayanan ng Distritong Episkopal ni San Lucas sa Parokya ng Hesus Nazareno noong Sabado, ika-17 ng Oktubre, upang ipagdiwang ang kapistahan ni San Lucas. Binubuo ng tatlong bikaryato, ang Bikaryato ng Ina ng Laging Saklolo, Bikaryato ng Inmaculada Concepcion, at Bikaryato ng San Francisco de Asis, ang pagdiriwang ay nilahukan ng humigit-kumulang 700 na lingkod-simbahan at parokyano mula sa mga parokyang sakop ng ating distrito. 

Bilang panimula, umawit ng mga papuri sa ating Panginoon ang grupo ng El Shaddai ng Parokya ng Hesus Nazareno, at sinundan ng pagbabahagi ni Rev. Fr. Alberto Failago, SHMI, katuwang na pari ng Mary Immaculate Parish - Salawag, tungkol kay Maria at ang kahalagahan ng pagpaparangal sa Banal na Eukaristiya bilang Katawan ni Kristo. Ibinahagi ni Rev. Fr. Albert Failago na ating alalahanin na si Kristo ay Diyos bago Siya maging tao, kung kaya’t ipinadala ng Diyos ang Kaniyang bugtong na anak. Pinaalalahanan rin ni Rev. Fr. Albert Failago na si Maria ay hindi lang basta babae, bagkus si Maria ay ang Ina ng ating Panginoong Hesukristo, at ang ating pag-ibig kay Maria ay nagmumula sa pag-ibig din ni Kristo sa kaniyang Ina, dahil ang papel ni Maria sa buhay natin ay akayin tayo patungo kay Kristo na kaniyang anak patungo sa ating kaligtasan.”

Pagtapos ng pagbabahagi ni Rev. Fr. Alberto Failago ay isinagawa ang Misa Concelebrada sa pangunguna ni Rev. Fr. Agustin Baas, episcopal vicar ng Distritong Episkopal ni San Lucas at Kura Paroko ng Parokya ng Inmaculada Concepcion, kasama ng mga vicar forane at tanang kaparian mula sa tatlong bikaryatong sakop ng distrito. Sa homilya ni Rev. Fr. Joseph Miguel Mallari, mula sa Santa Teresa de Calcutta Pastoral Center, kaniyang ibinahagi ang kahalagahan ng positibong pagtingin sa buhay, lalo na’t kung tayo ay sinusubok at inuusig. 

Bilang panapos, pinasalamatan ni Rev. Fr. Agustin Baas ang mga vicar forane ng kada bikaryato, mga pari na siyang nakilahok sa misa concelebrada, ang mga parokyang naki-isa sa pagdiriwang, at sa parokyang punong-abala ng pagdiriwang – ang Parokya ng Hesus Nazareno, kaniya ring ibinahagi ang pagkadeklara ng Parokya ng Santa Rita de Cascia at Parokya ng Maria, Ina ng Tagapagligtas bilang isang ganap na parokya, kaakibat nito ay pormal ding ibinahagi ni Rev. Fr. Baas ang pagdedeklara sa Santa Teresa de Calcutta Pastoral Center bilang isang ganap na parokya sa ika-9 ng Nobyembre 2026.

STA. MESA, MAYNILA - Nakiisa ang Diyosesis ng Imus sa katatapos lamang na 3rd Cybermission Congress noong Oktubre 14 hanggang 16, 2026. Sa ilalim ng temang "Magnifica Humanitas," nagsama sama ang mga digital missionaries mula sa ibat ibang diyosesis sa Communication foundation for asia upang talakayin ang hamon ng modernong ebanghelisasyon sa gitna ng mabilis na pag-unlad ng teknolohiya at mga gabay sa pag-gawa ng mga faith-based content.

Ang conference na ito ay nagbbigay diin sa mahalagang misyon ng simbahan na maging daluyan ng pananampalataya maging gamit ang makabagong teknolohiya.