TAGAYTAY CITY - Noong February 9, 2026, naimbitahan si Fr. Ronel at ang Team Simbahayan ng Social Action San Pablo upang magbigay ng panayam tungkol sa pagtataguyod ng Basic Ecclesial Communities (BEC) sa Diyosesis ng Imus. Ang aktibidad ay ginanap sa San Pablo Theological Formation House, Tagaytay. Isa sa mga naging pangunahing punto ng panayam ay ang sustainability ng simbahayan sa Diyosesis ng Imus, na isinasagawa sa pamamagitan ng:

           - Regular na Bible sharing
           - Pagbabad at kumustahan sa mga simbahayan
           - BINHI

Binigyang-diin ni Fr. Ronel, bilang Priest Animator ng Simbahayan, ang kahalagahan ng Salita ng Diyos sa pagbubuo ng simbahayan. Ibinahagi rin niya ang kanyang personal na karanasan sa kanyang parokya at sinabi:

“Sa pagtataguyod ng mga BEC, mahalaga na babad tayo sa Salita ng Diyos.”

Nagbahagi rin ang "Team Simbahayan" ng kasalukuyang kalagayan at best practices ng BEC sa diyosesis. Nagkaroon rin ng interactive session kung saan ang mga dumalo ay nakapagbahagi rin ng kanilang karanasan, na nagbigay daan sa mas malawak na talakayan at pagpapalitan ng kaalaman.

Nagtapos ang programa sa isang Banal na Misa, na pinangunahan ni Fr. Ronel at ilang mga katuwang na pari, bilang tanda ng pagkakaisa at pagpapalakas ng simbahayan. - (Ulat at larawan mula kay Luis A. Pagal, Jr.)