7th PARISH BEC DAY

Pagdiriwang ng BEC Day

Tuwing Solemnity of the Most Holy Trinity

“Isang Sambayanan, Naglalakbay na may Pag-asa”

Ang Basic Ecclesial Community (BEC) ay isang mahalagang inisyatibo ng Catholic Bishops’ Conference of the Philippines (CBCP) upang maisabuhay ng mga mananampalatayang Katoliko ang pagiging Simbahan hindi lamang bilang gusali kundi bilang sambayanang nagkakaisa sa pananampalataya, paglilingkod, at pakikibahagi sa buhay ng komunidad.

Ang BEC Day ay sadyang itinalaga tuwing Trinity Sunday, isang araw ng pagninilay sa ugnayan ng Ama, Anak, at Espiritu Santo, isang modelo ng komunyon at pagkakaisa na siyang hangarin ng bawat Simbahayan.

Ngayong taon, sa konteksto ng Jubilee Year 2025 na may temang "Pilgrims of Hope", tayo ay inaanyayahang mas paigtingin ang ating pagiging mga misyonerong sambayanan, dala ang pag-asa ni Kristo sa bawat sulok ng ating lipunan.